Obradoiro para a Montaxe dunha Instalación Solar Fotovoltaica autónoma. 21 e 22 de setembro de 2013

Este obradoiro non se realizou nas datas previstas, así que temos previsto facelo este mes de setembro. Convidámosvos a participar, e a difundir este interesante curso. Entre outras cousas coñeceremos o alcance do novo Decreto lei 9/2013 que reforma o sector ecléctrico e cómo afecta realmente ás instalacións domésticas.

O 21 e 22 de setembro organizamos un obradoiro para facer unha instalación de paneis fotovoltaicos en Casa Pousadoira, onde aprenderemos  conceptos teóricos sobre este tipo de enerxía, os elementos que compoñen unha instalación e a execución da instalación propiamente dita.

Instalaranse tres paneis fotovoltaicos cunha potencia total de 690 Wp, co seu cargador regulador, baterías e conversor, instalaranse na cuberta da nosa casa de palla.

O obxetivo do obradoiro é que poidamos aprender a facer a nosa propia instalación fotovoltaica doméstica así como a valorar as nosas necesidades enerxéticas e de potencia.

CONTIDOS DO CURSO   13 horas estimadas

SABADO 21

09.00   Tipoloxía  e partes que compoñen unha Instalación Solar Fotovoltaica Autónoma

11.30   Pausa

12.00   Práctica

14.30   Xantar

16.00   Configuración e montaxe dun sistema Fotovoltaico Autónomo cun panel de 690 Wp

DOMINGO 22

10.00    Verificación e posta en servizo do sistema Fotovoltaico instalado

11.00   Operación e mantemento dos sistemas fotovoltaicos autónomos

IMPARTIDO POR   Jesús López Taboada,  de Montaxes Lagoa

PREZO: 60.00 euros

Coma sempre poderase comer na casa e tamén quedar a durmir a prezos reducidos para os que o precisen, previa reserva

Comidas: 8 euros
Aloxamento: 20.00 euros persoa en cuarto doble con baño, con almorzo incluido.

Máis información e reservas en info@pousadoira.com ou nos telefonos 981777898   607767369

Identificación e usos das plantas medicinais máis frecuentes no noso entorno. 15 e 16 de xuño de 2013

Dada a boa acollida que tivo o ano pasado o curso de plantas medicinais repetimos este ano. Durante a primavera e principios do verán os campos están cheos de herbas e flores que poden servir como remedios para as máis diversas doenzas. Aprenderemos, de novo con Noa Vázquez Rendal, a identificar unha boa cantidade destas plantas, primeiro nunha sesión teórica e logo no campo, recolectaremos algunhas delas e prepararemos algúns remedios.



PROGRAMACIÓN

Sábado 15 de xuño

          * Breve historia da fitoterapia
          * Plantas máis utilizadas nas doenzas máis frecuentes
          * Principais plantas medicinais en Galicia e usos
          * Familiarización coas guías de plantas. Conceptos botánicos básicos
          * Saida ao campo para o recoñecemento e recolección de plantas
          * Cómo elaborar un herbario

Domingo 16 de xuño

          * Tratamento das plantas medicinais recollidas
          * Formas de aplicación das plantas medicinais
          * Prácticas: elaboración de infusións, decoccións, tinturas, cataplasmas, aceites, etc.

IMPARTIDO POR   Noa Vázquez Rendal. Licenciada en Bioloxía Ambiental e en Ciencia e Tecnoloxía dos alimentos. Experta en Fitoterapia e Nutrición. 

PREZO: 45.00 euros

COMIDAS: 8 euros cada unha
ALOXAMENTO noite do sábado máis almorzo do domingo: 20.00 euros persoa en cuarto doble

INSCRIPCIÓNS: 981777898   607767369   info@pousadoira.com 

Introducción á permacultura, agricultura ecolóxica e bioconstrucción. xuño de 2013

Curso de introducción á permacultura, agricultura ecolóxica e bioconstrucción.
Casa Pousadoira, Callobre, Miño, A Coruña. 

8 e 9 de xuño, 22 e 23 de xuño de 2013

A permacultura é unha ciencia de deseño integral de entornos humanos sostibles. Abarca polo tanto as nosas relacións co entorno natural e mesmo con outras persoas. Non é algo simple, pero sí necesario para a nosa supervivencia xa que por outra banda a permacultura é unha resposta efectiva ante os límites de enerxía e recursos, que nos mostra o camiño para facer os cambios necesarios para vivir nunha era post-industrial. Por eso a permacultura, identificada nun primeiro momento cunha determinada maneira de facer agricultura, é hoxe en día un termo que abrangue moito máis. O manexo da terra, as construccións, as persoas e as maneiras en que se organizan e se relacionan coa natureza e entre sí son algúns dos aspectos que interesan.

Queremos achegarnos a este concepto no próximo curso que imos facer en Casa Pousadoira. Será o 8 e 9 de xuño, cunha "Introducción á permacultura. Agricultura ecolóxica" por parte de Gustavo Sánchez e Begoña de Bernardo. Este curso terá unha segunda parte o 22 e 23 de xuño, onde nos centraremos noutro aspecto da permacultura, que é a Bioconstrucción.

CONTIDOS

Sábado 8 

Introcucción á permacultura

• Fundamentos da permacultura.
• Éticas e principios.
• Actuando sobre os elementos:
- Auga, solo, residuos, recursos, ...
• Criterios de deseño.
- Elaboración dun deseño nas instalacións e no entorno de Casa Pousadoira.

Agricultura ecolóxica, centrada na horta

* Fertilidade da terra, manexo
* Ferramentas e laboreo tradicional, tracción animal
* Materia orgánica: compost, acolchados  e abonos verdes
* Cultivos: elección de variedades, sementes, rotacións, asociacións de cultivos
* Doenzas das plantas e plantas silvestres.

Domingo 9

Prácticas na horta

* Realización de compost
* Realización dunha hügelkultur
* Preparación dun bancal de cultivo
* Elaboración dun purín de ortigas

Sábado 22

* A bioconstrucción como necesidade, construcción saudabeis e de baixo consumo de materiais e enerxia.
* Deseño permacultural da nosa vivenda
* Técnicas constructivas con palla e terra.
   - Método Nebrasca, método GREB, construcción de cob
* Fabricación de adobes, teoría e práctica

Domingo 23

* Práctica de realización de rebocos de barro en construcción existente. Montaxe dunha esquina con balas de palla.

Coma sempre poderase quedar a xantar e cear na casa e tamén a durmir previa reserva.

PREZO DOS CURSOS

60.00 euros cada un, facendo os dous 100.00 euros en total
Comidas: 8.00 euros
Aloxamento: 15.00 euros en cuarto doble.

Máis información e reservas no correo info@pousadoira.com ou nos teléfonos 981777898   607767369

O mes de xuño cheo de actividades en Pousadoira

Curso de Iniciación á Permacultura. Horta ecolóxica

Construcción dunha casa de palla
durante o curso de Biconstrucción de 2011

Durante o mes de xuño imos ter cursos todas as fins de semana. Empezamos o día 1 co Obradoiro para construir un forno solar  A seguinte fin de semana, o 8 e 9 de xuño teremos un curso de Iniciación á Permacultura, e dentro desta ciencia tan amplia centrarémonos no cultivo da terra e na horta ecolóxica concretamene. Este enfoque permacultural continuará o 22 e 23 de xuño coa segunda parte deste curso, onde imos ver as principais tecnicas es materiais de Bioconstrucción. E o 15 e 16 de xuño repetiremos o curso sobre plantas medicinais que xa fixemos o ano pasado, con identificación e usos máis frecuentes das plantas medicinais que podemos atopar ao noso arredor. Coma sempre os nosos cursos teñen parte teórica e parte práctica e salvo o de forno solar desenvólvense ao longo do sábado e o domingo pola mañá.

Curso de plantas medicinais en Casa Pousadoira

Obradoiro de construcción de Fornos Solares de baixo custo, 1 de xuño de 2013

O día 1 de xuño disfrutaremos en Casa Pousadoira dunha xornada de diversión e aprendizaxe, mentres construimos un forno solar, onde cociñar alimentos coa enerxía do sol.
Cada vez faise máis necesario aforrar enerxía, por razóns ecolóxicas pero tamén económicas. Coma sempre a liña mestra que guía as nosas actividades é a de aumentar a capacidade das persoas para ser autosuficientes, para resolver as nesidades vitais por un mesmo.

Trai unha caixa de cartón e sairás cun forno para cociñar sin máis combustible que o do sol.

Pola mañá teremos unha pequena sesión teórica sobre fornos e cociñas solares, xantaremos con comida cociñada nun deles, (se fai sol), se non fai sol tamén xantaremos eh!, e pola tarde construiremos o noso propio forno solar.

Contaremos para esta actividade co profesor Juan Bello Llorente, sin dúbida un experto na materia

CONTIDOS DO OBRADOIRO

- Qué e cómo cociñar co sol
- Características dos fornos solares de baixo custo
- Fornos e cociñas solares, tipoloxías e características
- Construcción de fornos solares

DATA E LUGAR: 1 de xuño de 2013, en Casa Pousadoira, Callobre, Miño A Coruña

PREZO:  40.00 euros con xantar incluido.
ESTE CURSO ESTÁ BONIFICADO CUN 40%DE DESCONTO PARA PERSOAS EN PARO

Máis información e reservas: info@pousadoira.com,  981777898   607767369

Curso de Elaboración de Conservas Caseiras de Alimentos, 11 e 12 de maio de 2013

Conservas artesanais de Daldea Pousadoira

Os días 11 e 12 de maio realizaremos en Casa Pousadoira un curso para aprender a elaborar na casa conservas de alimentos de forma eficaz e segura.

Dende sempre os seres humanos de todas as culturas e latitudes fixeron tratamentos dos alimentos para que estes non se deteriorasen e se conservasen máis tempo aptos para ser consumidos. Salgaduras, fermentacións, desecados, embutidos, e un longo etc. de tratamentos que fan que dun xeito ou doutro poidamos consumilos en boas condicións durante máis tempo.

Cada vez hai máis xente que se anima a cultivar froitas e hortalizas, mesmo en pequenos espazos. Todos sabemos da abundancia puntual que proporcionan os nosos cultivos, e do saborosos que están e gustaríanos poder conservalos para non desperdiciar nada e poder seguir disfroitando deles. Ás veces tamén ocorre que hai épocas en que podemos atopar un alimento no mercado a moi bo prezo (como sucede co bonito), e o resto do ano non o hai, así que sería útil poder mercalo nese momento e conservalo nós mesmos. 

Pero para facer esto temos que estar seguros do que facemos, para conservar os alimentos nas mellores condicións, respecto das súas propiedades nutritivas, e para conservalos dun xeito seguro para a nosa saúde chega con saber unhas cantas cousas e ser coidadosos na elaboración das nosas conservas. 

Daldea Pousadoira, empresa irmán de Casa Pousadoira, elabora conservas vexetais artesanais dende fai 10 anos, e contaremos con esta experiencia para aprender o imprescindible para facer as nosas conservas na casa.

CONTIDOS DO CURSO

Introdución á conservación de alimentos

-  Composición dos alimentos

-  Deterioro dos alimentos. A oxidación, o enranciamento, microorganismos

Perigos para a saúde na conservación de alimentos e cómo evitalos

-  Patóxenos

-  O Ph

Métodos de conservación de alimentos

-  Microorganismos útiles

-  Desecación

-  Conservas de vexetais ao natural

-  Encurtidos en vinagre

-  Marmeladas e confituras

-  Conservas de peixe e carne

-  Conxelación

PRACTICAS

-  Elaboración dunha marmelada en conserva

-  Elaboración de salsa de tomate en conserva

-  Elaboración de mexillóns en conserva

-  Escabeche de peixe en conserva

DURACIÓN E LUGAR

Sábado todo o día e domingo pola mañá. En Casa Pousadoira, Callobre, Miño A Coruña
11 e 12 de maio de 2013

PREZO:   50.00 euros

INFORMACIÓN E RESERVAS: info@pousadoira.com   981777898    607767369

20 e 21 de abril de 2013. 4º Curso de Elaboración Artesanal de Cervexa. Miño, A Coruña

Como no último curso de cervexa que fixemos quedaron algunhas persoas sin plaza, e había tamén algunhas ás que nos lles iban ben as datas, decidimos repetilo no mes de abril.
Este é un dos cursos que máis interés despertan dos que vimos realizando en Casa Pousadoira, en parte polo doado que resulta aprender a facer a nosa propia cervexa na nosa casa, cos utensilios que calquera pode ter nunha cociña, (case non temos que mercar nada), e en parte tamén polo rica que sae a cervexa caseira, e claro, porque é un pracer e unha satisfacción convidar aos amigos a tomar unha cervexa feita por nós mesm@s

No curso de dous días de duración, enseñamos cómo facer a cervexa desde cero, realizando nós mesmos todo o proceso, dende o malteado do cereal. Na foto da esquerda pode verse trigo da variedade Callobre, colleitado en Galicia, en proceso de xerminación para o seu posterior malteado.

Retirando a escuma durante o proceso de fermentación

                     

CONTIDOS DO CURSO

- Presentación do curso
- Visión global do proceso biotecnolóxico
- Ingredientes e utensilios a usar na elaboración caseira de cervexa

- Etapas na elaboración da cervexa                     
- Clausura do curso (embotellado da cervexa)

Ao tempo que se dan as explicacións teóricas iranse vendo todos os pasos na práctica, desde o malteado do cereal até o embotellado.

IMPARTIDO POR

Miguel Anxo Abraira Sobrado: Técnico en Saude Ambiental, con amplia experiencia no campo da elaboración de productos agroalimentarios coma bebidas e conservas vexetais.

DATAS: 20 e 21 de abril de 2013
O 20 todo o dia e o 21 pola mañá, remataremos co xantar.


LUGAR: Casa Pousadoira. 

                Pousadoira, Callobre Miño A Coruña
          


PREZO DO CURSO: 45.00 euros
Pernoctación en Casa Pousadoira: 20.00 euros con almorzo incluido
Comidas: 8.00 euros cada unha

MAIS INFORMACIÓN E RESERVAS: info@pousadoira.com   981777898   607767369